राजेशपायलको ‘दर्शन नमस्ते ३’ सार्वजनिक, विन्धवासिनीले किन्यो १५ लाखमा


कमल सरगम 
असोज -१० -काठमाण्डौ 
हरेक क्षेत्रमा गायनको पाटोबाट अब्बल मानिने गायक राजेश पायल राइको दर्शन नमस्ते -३ सार्बजनिक भएको छ ।राजधानीको होटल इन्देणीमा एक भब्य समारोहका साथमा सम्पन्न कार्यक्रममा सुगम देखि लोक /पप,चलचित्र  सम्मका कलाकारहरुको बाक्लो उपस्तिथिमा सम्पन्न कार्यक्रममा गायक राइले आफ्नै माता पिताको हातबाट एल्बम सार्बजनिक गरेका हुन् ।फरक-फरक स्वादका गीत समावेश गरिएको एल्बमलाई विन्धवासिनी म्यूजिकले बजारमा ल्याएको हो । कार्यक्रममा विन्धवासिनीले गायक राइलाई १५ लाखको चेक हस्तान्तरण गरेको थियो ।१५ लाखमा एल्बमको सर्बाधिकार  किनिएको हो । नेपाली सांगीतिक क्षेत्रको व्यापारिक बजारमा खस्किरहेको समयमा राइलाई विन्धवासिनीले मोटो रकम दिएर नयाँ प्रथाको सुरुवात गरेको छ ।संगीत ब्यबासायी सुबास रेग्मीले कार्यक्रमको बिसर्जन गर्दै भने “हामी सिंगो नेपाली संगीत जगतको संरक्षणमा लागि पर्दै आएका छौ ।श्रष्टाको सृजना यो खडेरीको समयमा किन्नु  आफ्नै ज्यान किस्ताबन्दीमामा राखे सारा हो “।सोहि क्रममा बोल्दै रेग्मीले भने “मैले  आफैले भोगेको छु मेरी धर्मपत्नी लिना रेग्मी शर्माको गहना बेचेर श्रष्टाको सृजनालाई बजारमा ल्याएको छु ।कमाउन भन्दा पनि गुमाउन म अग्रसर छु ।फाइदा छैन भनौ भने यही ब्यबासायी गर्नेहरुको ५ तले घर छन् ,चिल्लो कारमा हिड्छन तर त्यो सपना मैले देखिन किनकि म कलाकारको लागि सोच्ने व्यक्ति त्यसैलाई निरन्तरता दिने छु”। सोहि क्रममा बिभिन्न संगीतकर्मीहरुले राजेश पायल राइलाई शुभकामना व्यक्त गरे ।गीतको म्यूजिक भिडियो भने केहि समय पछी बजारमा आउने विन्ध्यवासिनीका प्रबन्धक निर्देशक सुबास रेग्मीले जानकारी दिएका छन ।

यसमा तपाइको मत

अन्य समाचार