भारतीय राष्ट्रपति मुखर्जीले पशुपतिमा बिहिबार विशेष पूजा गर्ने


काठमाडौं,कात्तिक १८ । भारतीय राष्ट्रपति प्रणव मुखर्जीले पशुपतिनाथ मन्दिरमा लाखबत्ती र पञ्चामृत अभिषेकसहितको विशेष पूजा गर्ने भएका छन् ।
बिहीबार बिहान राष्ट्रपति मुखर्जीले पशुपतिमा विशेष पूजा गर्र्र्नेपशुपति क्षेत्र विकास कोषले जनाएको छ ।
राष्ट्रपति मुखर्जीको स्वागतका लागि पशुपतिनाथ मन्दिरमा भव्य स्वागतको तयारी भएको छ । पशुपतिनाथ मन्दिर पश्चिम प्रवेशद्वार लगायत यस क्षेत्रका यावत् स्थानमा पुुष्पमालाले झकिझकाउ गरिएको छ ।
राष्ट्रपति पशुपति आउदा उनलाईयस क्षेत्रको साँस्कृतिक झाँकी पनि प्रस्तुत गरिँदैछ ।
सन्ध्या पुस्तकालयले परम्परागत बाँसुरी, ज्यापु पुचःले धिमे, सिर्जनशील युवा क्लबले साँस्कृतिक झाँकी प्रस्तुत गर्दैछ । आजको गोरखापत्रमा खबर छापिएको छ ।
राष्ट्रपति मुखर्जीले पशुपतिनाथको दक्षिण मुहार अघोरतर्फबाट पञ्चामृतसहितको रुद्राभिषेक पूजा गर्नेछन् ।
पशुपति मन्दिर परिसर हेर्ने अधिकृत कमलबहादुर बोगटीका अनुसार राष्ट्रपति मुखर्जीलाई मन्दिरको दक्षिण ढोकाको भित्री चाँदीको छेकवार हटाई आसन ग्रहणको व्यवस्था गरिएको छ ।

यसमा तपाइको मत

अन्य समाचार